讀WSET (WINE AND SPIRIT EDUCATION TRUST)

(原文於2011年11月5日發表於某網上討論區)

在一次我主持的PINOT NOIR試酒會後，有酒友問一些有關讀WSET (WINE AND SPIRIT EDUCATOIN TRUST) 課程的睇法。以下是我在網上的回覆。原文於2010年9月6日在某網上討論區發表。

WSET係會提供一定嘅資訊比你，但係這些東西在好多地方都有，只不過WSET會集齊咁一次過展出比你，仲要係全世界嘅資訊，係好方便的。

WSET一樣有佢唔好嘅地方 :
 一.        佢地係唔會提供市場上一些特定資訊，佢唔會介紹酒莊資料等訊息，亦唔會介紹及推介任何酒莊酒款，所以上次有人講話佢上堂時老師講邊D 副牌酒好飲，正常係唔會咁做，咁亦係唔容許的。
二.        佢地教的TASTING係跟一套佢地訂的系統，所有人都一定要跟足，ROBERT PARKER去考WSET一定肥，咁有好有唔好。你習慣的話係會幫到你建立你試酒嘅資料庫，亦會令你寫TASTING NOTE 時唔會寫漏，唔好處係佢個系統太生硬，寫得多TASTING NOTE你會覺得好悶，因為你會發覺你所有品酒筆記都係同一個模式，似填充題多過作文。
三.        WSET係一個什麼酒都教的系統，不論你鍾唔鍾意烈酒或加烈酒，你都要學要識要考試，有些人唔鍾意會好辛苦，因為級數越高越多嘢記，要你記一些你唔鍾意又唔係因為工作要求嘅嘢係好辛苦的。

WSET的級數每一層都集中在不同的範疇嘢度，LEVEL 1係興趣班，你絕對唔須要，外國是沒有人去上LEVEL 1 的，佢地問人借書睇之後只係去考試的。

LEVEL 2 主要教一些葡萄品種 (GRAPE VARIETIES) ，及一些產酒國家的基本資料，主要令你知到呢個世界有什麼酒及令你睇得明酒標。

LEVEL 3 先至開始教你一些較深入的資料，同埋開始做一些比較嚴謹的TASTING，但係我諗你要記多約莫3倍咁多資料。

LEVEL 4 係開始專業課程，呢度好似係將酒當做化學藥水咁研究，對一個酒鬼嚟講真係太詳細，而且嚴格嚟講係一個自修課程，只有課程，自己睇書。要記東西起碼多三四倍。
所以想玩之前一定要知自己想點先。當然，讀書可以目標為本，LEVEL 3 以下要及格 絕對唔難，但如果諗住拿張證書嚟玩就無謂嘥錢。
最後係要搵一間好學校，那些教你”TANNIN會令你出口水”嘅學校就唔好去，仲有即使落堂都要多D交流，呢樣嘢呢度至少有幾佰個師兄會幫你，但係 每次都要有系統咁試，同埋要聽多些別人的TN及嘗試理解點解人地會有咁嘅TN，所以禽日我問得最多嘅問題係問你覺得枝酒點，所以禽日學最多嘢果個係我。禽日 我講D嘢全部都係自己睇書之後再驗證出來的，所以都係果句….自學係最緊要。