台灣 KA VA LAN 報告

(原文於2011年4月3日於網上討論區發表)

去了幾天台灣，順道參觀了Ka Va Lan 威士忌廠。

大家都可能知道，甚至去過呢間位於宜蘭縣的酒廠。酒廠在此的時間其實不是很長，好像十年也不夠，但所佔的地方也不少。可以參觀的部份主要由三座建築物組成。

第一座係叫做酒堡的物體。其實係辦公室大樓，同埋接待處。

呢一座係賣酒的地方，除了有齊各款老威之外，仲有百朗咖啡賣（因為係同一集團）。

最後呢座就梗係酒廠啦！

  
入酒廠之前，先睇吓佢地存放麥芽的地方，都好多個缸喎！

好多人都知老威的其中一種原材料係麥芽，但單一麥芽威士忌(Single Malt) 之所以有多重唔同嘅性格及口味，用來焙火的材料也有影響，佢地學蘇格籣一樣用煤泥（Peat），但係睇落好似比較實。

用煤泥焙完之後的麥芽會磨碎成粉，再加水變成糖水作發酵。

成個發芽(Malting)的過程在這裡進行。

發酵在不銹鋼缸，發酵到唔同程度係唔同的，所做出來的味道也不同。

做老威可以用壺蒸(Pot Still) 或塔蒸(Continuous Still)，當然唔同蒸餾裝置結果又梗係唔同。呢個係Patent Still，塔蒸的一種 (Continuous Still)。

呢個係壺蒸(Pot Still)，做威士忌大部份都係孖蒸(Double Still)，但係唔知佢這款蒸幾多次。

Ka Va Lan 話唔同嘅蒸餾爐頸(Still Neck)會有不同效果。

蒸餾完之後的酒流入酒庫(Spirit Safe)，在蘇格蘭的酒入酒庫之後係要上鎖的，但呢度有耳仔上鎖但又唔鎖。

 之後就梗係入桶啦！

酒桶通常都燒過，所以個桶內部全部係黑炭。

報告完畢。希望大家對威士忌增加一點興趣。